BERRIKI ARGITARATUTAKO PRODUKTUAK

Sofa II

irudiaIzena: Sofa II
Argitaletxea: Bonberenea
Azalpena:
2012.urtetik bada musika ulertzeko modu berezi bat, bada musika hori beraiena egiteko grin izugarri bat eta bada, noski, hau biltzen duen izen bat: Sofa. Musikaren zentzua gertuagokoa bilakatuz erabat, erraz entzuten den talde bat. Erraz entzuten da, gozatzen delako, baina, lan asko eginikoak dira, hasi zirenetik, gaurko egunerarte. Berrohogei kontzertu baino gehiago eta bigarren estudio lana kaleratzeko lana bizkarrean hartuta, bueltan dira iada Sofa. Zumaiako bat eta Zarautzeko bik osatzen duten talde honek Bonberenea Ekintzak plataforma aukeratu dute oraingoan beraien lana gauzatzeko. 2017Ko otsailean grabatua, Karlos Osinagaren zuzendaritzapean ekoiztu dute beraien lan berria, bederatzi abestiz osaturik. Rock instrumental fin-fina daramate beraien lanaren ardatz gisa. Abestien oinarriari egindako homenaldi sutsu bat da beraiena, abeslaririk eta letrarik gabe, musikaren armoniari eta konposizioari garrantzia emanez, beraien sentipenak azaleratzen dituzte diska biribil honetan. Musikaren indarra zabaltzeko nahian, hirukote honek, izugarrizko freskotasuna ematen dio euskal musikaren panoramari, izan ere, beraiena da, freskoa izanik, korrontetik hat geratzen den lan bat. Ilusioz eta gogoz jantzitako lan honek ez du entzulerik utziko iritzirik gabe; berezia den zerbait entzun nahi baduzu, entzun Sofa, entzun beraien “II” diska.

Adina: 12-16, Helduak
Urtea: 2017
Prezioa: 12 €


Eskularru beltzak

irudiaIzena: Eskularru beltzak
Egilea: Jasone Osoro
Ilustratzailea: Joseba Larratxe “Josevisky”
Argitaletxea: Elkar
Azalpena:Beire ingelesa ikasteko udaleku batera bidali dute gurasoek. Bere institutuan gelako liderra den arren, udalekuan inork ez du aintzat hartzen, eta Baba izeneko mutil misteriotsu batengan aurkituko du babesa, boxeoa ikasteaz gainera. Etxera itzulita, bere betiko lagun Kar eta Leterekin batera, hirurek osatzen duten Sua taldea prest dago, berriz ere, institutuko izarrak izan eta egurra emateko, baina badirudi aurtengo ikasturtean gauzak desberdinak izango direla.
Adina: 12-16
Urtea: 2017
PAPEREKO EDIZIOA
ISBN: 978-84-9027-678-5
Prezioa: 15,50 €
EDIZIO DIGITALA
ISBN: 9788490277393
Prezioa: 9,99 €


Euskal Herria itsastarra - San Juan baleontzitik

irudiaIzena: Euskal Herria itsastarra - San Juan baleontzitik
Egilea: Albaola itsas kultur faktoria
Argitaletxea: Elkar
Azalpena: San Juan baleontzia Pasaian eraiki zuten XVI. mendean, 1560 urte inguruan. Gaur egun, munduko urpeko ondarearen ikurra da ontzia, UNESCOk hala izendatuta. Euskal Herriko itsas historiaren handitasunaren froga bizia da itsasontzi hau. Liburu hau gure izaera itsastarraren ikuspegi berri bat ematera dator. Itsasoari begira bizi zen Euskal Herria ezagutarazi nahi du, mundu mailako ekarpenak egin dituen itsas herria azaleratuz eta itsasoa gure izaeraren nahiz garapenaren erdigunean kokatuz. Ziur gaude, irakurri eta gero, beste talaia batetik begiratuko diozula munduari zein gure herriari.
Adina: Helduak
Urtea: 2017
ISBN: 978-84-9027-383-8
Prezioa: 22,50 €


Mundu zabaleko animaliak

irudiaIzena: Mundu zabaleko animaliak
Egilea: Peggy Nile
Itzultzailea: Aztiri
Argitaletxea: Elkar
Azalpena: Ibilaldi bikaina, animalien munduan barna eta ingurune naturaletan zehar. Hartz zuriak eta pinguinoak Iparralde Handian, inurriak lorategian, kastoreak eta igarabak ibaian... guztiak erliebean!. Pop-up teknikari esker, animaliak bat-batean agertzen dira beren ingurune naturalean.
Adina: 00-04, 05-09
Adin-oharrak: 3-4 urtetik aurrera
Urtea: 2017
ISBN: 978-84-9843-741-6
Prezioa: 14 €


Alex eta sagu mekanikoa

irudiaIzena: Alex eta sagu mekanikoa
Egilea: Leo Lionni
Itzultzailea: Manu Lopez Gaseni
Argitaletxea: Pamiela / Kalandraka
Azalpena: Leo Lionniren klasiko hau, lehen aldiz 1969an argitaratua, Alex eta Gilleren istorioa da, oso bestelakoak diren bi sagu –bata hezur-haragizkoa, bestea mekanikoa- adiskidetasunak elkartuta. Ezberdin izatea ez da oztopo lagunak izateko eta abenturak eta zoriona partekatzeko. Sagu mekanikoak ez du faltan botatzen nahieran ibiltzeko askatasuna; izan ere, etxeko neskak maite duela sentitzen du. Alexek, bere aldetik, behin eta berriz erratza eskuan jazartzen baitute, edozer emango luke falta duen maitasuna eskuratzeko. Ilargiaren magiak ematen dio sagu koitaduari bere laguna bezalakoa izateko aukera: bere kabuz ibiltzeko gaitasunari uko eginda, besarkatua eta maitatua izatea. Azkenik, Alex ohartzen da zein iragankorra den Gilleri zioten maitasuna, eta, eskuzabaltasunez, hasiera batean beretzako zen nahi bat bere lagunarentzat eskatzen du. Caldecott Ohorezko Dominaz saritua, album honek, collage teknikaz ilustratua eta soiltasun grafiko handikoa, ederki islatzen du Lionniren estilo artistikoa.
Adina: 05-09
Urtea: 2017
ISBN: 978-84-7681-985-2
Prezioa: 15 €


Argia teilatupean

irudiaIzena: Argia teilatupean
Egilea: Begoña IBARROLA , Santiago AGUADO
Argitaletxea: Desclée
Azalpena:Adela neskatxo urduria da. Egun batean, Nora ezagutuko du, teilatupeko auzokidea, oso emakume berezia, pintorea.  Harreman horri esker, Adelak adi egoteko gaitasuna eta pazientzia garatuko ditu, eta konturatuko da pintatzen ikastea ez dela erraza. Adelak Noraren konfiantza lortu, eta sekretu handi bat konpartituko dute.
Ipuin honen gaia PAZIENTZIA da.
Adina: 05-09
Urtea: 2017
ISBN: 97888433029058
Prezioa: 8,50


Talismanaren klana

irudiaIzena: Talismanaren klana
Egilea: Begoña IBARROLA , Jesús GABÁN
Argitaletxea: Desclée
Azalpena:Mikelek Gerlarien klanean sartzeko eskaera egin du, jakin gabe zer froga zail jarriko dioten. Froga gainditzen saiatuko da, baina barrenak ez dio utziko.
Noarekin duen harremanak eta ipurtargi misteriotsu batzuekin topo egiteak lagunduko diote klan berri bat sortzen eta benetako adiskidetasunaren esanahia ulertzen.
Ipuin honen gaia ADISKIDETASUNA da.
Adina: 05-09
Urtea: 2017
ISBN: 9788433029034
Prezioa: 8,50 €


Eguzkitako betaurrekoak saguzahar batentzat

irudiaIzena:Eguzkitako betaurrekoak saguzahar batentzat
Egilea: Begoña IBARROLA , José Luis Navarro
Argitaletxea: Desclée
Azalpena:Saguzahar txiki bati esker, Paulinak bere amets handiena beteko du, neba Jaime eta aitonarekin batera. Aitonak bi umeen ardura dauka gurasoek beste herrialde batera alde egin dutelako lan bila.
Pertsonaia bakoitzak bere beldurrari aurre egin beharko dio, baina denek lortuko dute gainditzea.
Ipuin honen gaia AUSARDIA da.
Adina: 05-09
Urtea: 2017
ISBN: 9788433029041
Prezioa: 8,50€


Ibanen Mendia

irudiaIzena: Ibanen Mendia
Egilea: Begoña IBARROLA , Raquel FARIÑAS
Argitaletxea: Desclée
Azalpena:Ibanen herria itsusi samarra da. Etxeak ez daude zainduta eta zaborra kaleetan pilatu da. Aspaldian ez du euririk egin, baina Ibani ideia zoragarri bat bururatu zaio arazo hori konpontzeko. Ikaskideen eta herritarren laguntzarekin, herria berriz edertzea eta jendea gustura bizitzea lortuko du.
Denek egin beharko dute ahalegina eta elkarlanean aritu, zailtasunei amore eman gabe.
Ipuin honen gaia LANKIDETZA da
Adina: 05-09
Adin-oharrak: 6-8 URTE
Urtea: 2017
ISBN: 9788433029065
Prezioa: 8,50 €



Lekim

irudiaIzena: Lekim
Egilea: Bakarne Atxukarro, Izaskun Zubialde, Asun Egurza
Argitaletxea: Cénlit Ediciones
Azalpena:
Aspaldiko garaietan, Lekim haurtxoa kobazulo batean bizi zen. Lekim haitzuloetako gizaki bat zen, eta bere familiaren hainbat belaunaldirekin batera bizi zen kobazuloan. Nahiz eta leku txiki batean jende asko bizi, pozik bizi ziren.
Adina: 00-04, 05-09
Urtea: 2017
ISBN: 978-84-16791-42-2
Prezioa: 10 €


Euskararen aztarnak Sardinian?

irudiaIzena: Euskararen aztarnak Sardinian?
Egilea: Juan MArtin Elexpuru
Argitaletxea: Pamiela
Azalpena: Euskara eta Sardinia hitzak elkarren ondoan ikusteak harridura sortuko dio bati baino gehiagori. Euskara eta paleosardiniera (erromatarrek isla konkistatu baino lehen Sardinian egiten zen hizkuntza) senide hurbilak izan daitezkeela da liburu honetan jorratzen den hipotesia. Ez da kontu berria. Vittorio Bertoldi hizkuntzalariak hainbat bat-etortze ikusi zituen duela ia ehun urte euskararen eta islako erromantzearen artean. Gerora hainbat izan dira gai honetan begiak jarri dituzten ikerleak. Dena dela, hil berria zaigun Eduardo Blasco Ferrer hizkuntzalari katalanak ekarri zuen iraultza: urtetako ikerketen ondorioz, toponimiari garrantzi handia emanda, oinarri sendoak jarri zizkion aipaturiko hipotesiari. Liburu honetan sakondu eta zabaldu egiten da bide hori. Lehen parteak testuinguruan kokatu nahi du irakurlea. Bigarrenak, gorosti/golosti bezalako kointzidentzia lexikalak aztertu ondoren, toponimiari begiratzen dio, eta ia bost mila sarrerako korpus batean oinarrituta, islako geografian aurkitzen diren leku-izenak aztertzen ditu, etimologiari, dentsitateari eta abarri erreparatuz, harri eta zur utziko gaituzten mapez eta argazkiz lagunduta.
Adina: Helduak
Urtea: 2017
ISBN: 978-84-7681-994-4
Prezioa: 27 €


39 idazle nafar

irudiaIzena: 39 idazle nafar
Egilea: Zenbait egile
Argitaletxea: Pamiela
Azalpena: 2016an egungo nafar narratibaren lan bat aurkeztu zekigun. Bertan, erdal ikuspegtik egina zenez, euskarazkoa bi idazleren lanekin ordezkatzen zen; hots, indarrean dagoenari jarraiki, marginaliako literaturgintza gisan, erabat gutxietsia. Baitezpadakoa zen, beraz, euskarazko nafar narratibaren berri eman zezakeen beste ekimen bat abiaraztea. Ekimena aitzina eramateko, hainbat idazlerekiko kontaktuak eskuratu behar izan ziren (horretan, Jesús Arana eta Iñaki Azkonaren laguntza ezinago baliosa izan zen). Ondoren, asmoaren berri ematearekin batera Nafarroa Garaiko zein Behereko 40 idazle baino gehiagori, parte hartzeko gonbita luzatu zitzaien (malgu, baina oinarrizko, eta ohiko, baldintzetan: lan originalak izatea, gai librea, baina zuzen edo zeharka Nafarroarekiko loturan, luzapena, epeak…). Erantzuna ia erabatekoa izan zen, oso baikorra (nahiz holakoetan, arrazoi desberdinak tarteko, diren guztiak biltzea zaila izan ohi den). Emaitza liburu hau da, literaturgintzan egun diharduten 39 nafar idazleen lagin zabal eta joria. Batzuk ezagunak, beste zenbait, gehienentzako behintzat, ez hainbeste. Denen artean literaturaz gozatzeko parada eskaintzen dute, ugaritasun eta aniztasunean, gai, idazketa, estilo, genero, maila… aldetik. Eta nabarmentzeko modukoa da literatur-bidea oparo jorratu eta jorratzen ari direnen ondoan, etorkizun joria iragartzen duen idazle saila bildu izana eta ezagutaraztea, are, agian, lagungarri gertatzea haien idatz-jardunean. Fertxu Izquierdo izan da edizioaren koordinatzailea. Baina bidean hainbat jende izan du lagun. Orain irakurleari dagokio zubiaren beste burura iristea eta nafar narratibaren bideetan menturatzea. Bidaia on!
Adina: Helduak
Urtea: 2017
ISBN: 978-84-7681-992-0
Prezioa: 17 €


Iker ikerlariaren iratzargailua

irudiaIzena: Iker ikerlariaren iratzargailua
Egilea: Xabier Olaso
Ilustratzailea: Estibaliz Jalon
Argitaletxea: Ibaizabal
Azalpena: Gaia: Irudimenaren indarra egoera berriak sortzeko. Girotzea: Baserrian. Gaur egun. Laburpena: Pentsa ezazu soka bat duzula, eta baserriko hainbat animalia. Horiekin guztiekin gauza izango zinateke zerbait asmatzeko? Bada, ezineskoa dirudien arren, Iker Ikerlariak iratzargailu bat asmatu zuen. Ikusi nahi duzu?
Adina: 05-09
Urtea: 2017
ISBN: 978-84-9106-239-4
Prezioa: 8,80 €


Sydneyko misterioa

irudiaIzena: Sydneyko misterioa
Egilea: BjØrn Sortland
Ilustratzailea: Trond Bredesen
Itzultzailea: Iraitz Urkulo
Argitaletxea: Ibaizabal
Azalpena: Gaia:Familia baten abenturak, munduan zehar egiten ari diren bidaietan. Girotzea: Gaur egun. Bildumaren laburpena: Davidek 11 urte ditu, eta 5 urteko Thor eta 13 urteko Sissel neba-arrebekin, Irga amarekin eta Knut aitarekin batera, munduko hainbat lekutara doa, bere aitak familientzako bidaia gida batzuk idazteko. Bidaia bakoitzean, artelanen lapurreten edo trafikoaren lekuko dira, eta badirudi lapurreta edo trafikoaren atzetik beti dagoela bikote bera. Familiako kide guztiek egiten dute ahalegina gaizkile horien planak gaizki irteteko, eta, horretarako, taldera osaba William ere gehitu da. Laburpena: Familia zenbait gutun mehatxatzaile jasotzen hasi da, eta benetan arduratuta daude. Knuten aspaldiko ezagun batek Sidneyko etxera gonbidatu ditu. Bertan daudela, familiak berriro ere egin du topo duela denbora asko jarraitzen dabilen arte trafikante arrotzarekin.
Adina: 10-12
Urtea: 2017
ISBN: 978-84-9106-403-9
Prezioa: 12,50 €


Ibrahim jauna eta koranaren loreak

irudiaIzena: Ibrahim jauna eta koranaren loreak
Egilea: Eric-Emmanuel Schmitt
Itzultzailea: Patxi Zubizarreta
Argitaletxea: Erein
Azalpena: Paris. Hirurogeiko hamarkada. Hamaika urteko mutiko bat, Momo, Kale Urdineko janari dendako saltzailearen lagun egin da, hau da, Ibrahimena, kale judu bateko arabiar bakarraren laguna. Itxurak beti dira engainagarriak, baina: Kale Urdina ez da urdina; Ibrahim ez da arabiarra; eta, bizitza, agian, ez da dirudien bezain tristea. Alkimia lan handia Eric-Emmanuel Schmitt-ena, izan ere osagai gutxi batzuekin, xumetasun inbidiagarri batez, istorio benetan hunkigarria eraiki baitu, arrazoia sentimenduz haragiztatuz eta arima pentsamenduz jantziz. Barrea eragiten du, negarra eragiten du eta, hitz batez, liluragarria da.Paris Match
Adina: 12-16
Urtea: 2017
ISBN: 978-84-9746-300-3
Prezioa: 8,50 €


Baina ez lukete han egon behar

irudiaIzena: Baina ez lukete han egon behar
Egilea: Asier Osinalde Vidal
Argitaletxea: Erein
Azalpena: Bakarrik jaio eta bakarrik hiltzen gara. Bitartean, hari ikusezin baten gainean orekari eusten saiatzen gara eta argazkiak ateratzen dizkigute. Gu argazkitakoak izaten saiatzen gara, baina ez gara. Gu argazkiaren atzean dagoena gara, irudiaren ertzetatik kanpo dagoena, eta bizitza ez da lerro zuzen bat, ibili ahala etengabe josten eta askatzen ari garen armiarma-sarea baizik. Ipuin-bilduma honetako pertsonaiak amaraun horretan bertan daude harrapatuta, beren beldur eta frustrazioekin, beren amets eta esperantzekin. Patua izan da aurreikusi ezin zuten egoera horretara eraman dituena, une ahulenean erabakitzera behartu dituena, kameraren objektiboaren aurrean irribarre egitera behartu dituena. Baina ez lukete han egon behar.
Adina: Helduak
Urtea: 2017
ISBN: 978-84-9109-213-1
Prezioa: 15 €


Filosofiaren defentsak

irudiaIzena: Filosofiaren defentsak
Egilea: Iñigo Martínez
Argitaletxea: Erein
Azalpena: Filosofiaren defentsarako liburu hau, testu laburrez osatua, pentsamenduaren aldeko testuinguru aldarrikatzaile baten baitan kokatzen da: ikasketa plan berrien murrizpenek Filosofiaren Historiari egindako murrizpenen erantzun bezala. Ez da gutxiagorako: LOMCE eta honen interpretazioa den HEZIBERRI 2020k hezurretan utzi dute ikasgai hau. Batxilergo guztientzat derrigorrezko izatetik, hautazko izatera pasatu da eta batxilergoko modalitate batzuentzat bakarrik. Liburu honetan ageri diren testuak jakintzaren hainbat arlotatik eta arlo horietako ordezkari kualifikatuek idatziak dira.
Adina: Helduak
Urtea: 2017
ISBN: 978-84-9109-218-6
Prezioa: 14,50 €


Amamaren grafitiak

irudiaIzena: Amamaren grafitiak
Egilea: Toti Martínez de Lezea
Itzultzailea: Miren Arratibel
Argitaletxea: Erein
Azalpena:
Etxekoandrea da, Wikipedia unibertsalaren arabera, etxeko lanak jardun nagusi duen emakumea eta, besteak beste, zeregin hauek dituena: seme-alaben hezkuntza eta zaintzaren ardura, etxeko garbiketak, elikagaien erosketa eta prestaera, familiako aurrekontuaren kudeatze osoa edo zatikakoa, etxean egiten diren lanen gainbegiratzea eta abar eta adar. Jardun ikusezina 24 orduz egiten duena, urteko 365 egunetan, oporrik gabe eta despidorik gabe. Urte batzuk igaro dira Totik Los grafitis de mamá gaztelaniaz argitaratu zuela. Gustura asko irakurri zuten hainbat emakumek eta ez gizonezko gutxik liburu hura, non andre “arrunt” baten, etxetik kanpo lanik egiten ez duen etxekoandre baten komeriak irakur daitezkeen umorezko bakarrizketa batean. Ama hura amama bihurtu da, aldaketa batzuk egin behar izan zaizkio testuari, baina gaurkotasunik ez du galdu eta graziarik ere ez aurreneko aldiz euskaraz argitaratzen den bertsio honek.
Adina: Helduak
Urtea: 2017
ISBN: 978-84-9109-227-8
Prezioa: 15 €


Abizen berriaren historia

irudiaIzena: Abizen berriaren historia
Egilea: Elena Ferrante
Argitaletxea: Igela
Azalpena:
Lilak eta Elenak hamasei urte dituzte, eta biak bide itsu batean sentitzen dira. Lila ezkondu berria da, eta senarraren abizena hartzean berea galdu duela nabari du bere baitan. Elena oraindik ikasle eredugarria da, baina adiskidearen ezkontzak berak ohartarazi dio ez dagoela ongi ez auzoan ez kanpoan
Adina: 12-16
Urtea: 2017
ISBN: 978-84-944981-2-1
Prezioa: 11-20 €


Bizi Baratzea, garaian garaiko garaiz

irudiaIzena: Bizi Baratzea, garaian garaiko garaiz
Egilea: Jakoba Errekondo
Ilustratzailea: Dani Blanco
Argitaletxea: Argia
Azalpena: Eskarmentu luzea du Jakoba Errekondo paisajistak landareen munduaren berri ematen Euskal Herriko hainbat hedabidetan. ARGIAko orrialdeetan astero-astero dibulgazio lana egiten 20 urte baino gehiago daramatza honetan, usurbildarrak baratzezaintzari buruzko jakintza bildu du "BIZI BARATZEA" liburuan. Nahitaezkoa zen obra hau, egilearen esanetan. Nahitaezkoa, baratzezaintzan falta zen ikuspuntua dakarrelako. Euskal Herriko ezaugarri berezietara egokitzen den liburua da BIZI BARATZEA. Baratzearen abenturan murgiltzeko grina daukatenetzat gida ezin hobea eskaintzen du lan honek modu atsegin eta ulerterrazean, baita dagoeneko lehen urratsak eginda dituztenetzat ere. http://www.bizibaratzea.eus/
Adina: 12-16, Helduak
Urtea: 2015
Prezioa: 23 €


Bizi Baratzea, Altza Porru

irudiaIzena: Bizi Baratzea, Altza Porru
Egilea: Jakoba Errekondo
Ilustratzailea: Asisko, Patxi Huarte, Ainara Azpiazu, Joseba Larratxe, Mattin Martiarena, Unai Iturriaga, Unai Gaztelumendi, Antton Olariaga
Argitaletxea: Argia
Azalpena: JAKOBA Errekondoren "Bizi Baratzea" liburutik abiatuta, baratzea mundu askotarako ataria dela azaldu nahi izan da. Oraingoan, irudia eta komikia nagusi. Irudien baratze honetarako ataria Maialen Lujanbioren burutazio da. Eta Jakoba Errekondori buruzkoa herrikide duen Idoia Torregarai Martijarena. Elkarlan honetara irudigile hauek bildu dira: Antton Olariaga, Asisko, "mattin" martiarena, Ainara Azpiazu "Axpi", Joseba Larratxe, Unai Iturriaga, Unai Gaztelumendi eta Zaldieroa. http://www.bizibaratzea.eus/jakingaia/multimedia/erreportajeak/altza-porru-baratzea-marrazteko
Adina: 12-16, Helduak
Urtea: 2016
Prezioa: 19,50 €


#019130;
Copyright © 2014. EUSKARAGIDA.EUS
Plantilla: Johny Template - Garapena: Ttipi-Ttapa