Eskolako arbola

irudiaIzena: Eskolako arbola
Egilea: Antonio Sandoval
Ilustratzailea: Emilio Urberuaga
Itzultzailea: Fernado Rey eta Uxue Rey
Argitaletxea: Pamiela / Kalandraka
Azalpena:
"Eskolako patioan arbola bat zegoen. Bakarra. Pellok gustukoa zuen arbolaren inguruan lasterka ibiltzea jolas-orduetan. Ondotik pasatzen zenean, adi begiratzen zuen, haren kontra tupust ez egiteko. Behin, Pello gelditu, eta arbolari erreparatu zion. Meharra zen, alanbrea bezain finak zituen adarrak; eta ez zuen hosto lehor bakar batzuk besterik. Pello hurbildu egin zen, eta enborra laztandu…" Ingurumeneko hezkuntzaren garrantzia eta naturarekiko harremanak ikasleen prestakuntzan eta hezkuntza komunitatearen lankidetzan duen garrantzia ageri-agerikoa da “Eskolako arbola” liburuan. Egitura zirkularreko istorio honek, hizkera soilaren bidez, ume baten eta arbola txiki baten arteko harremana kontatzen du: arbola haziz joanen da mutikoak emandako maitasunari esker, eta mutikoari jarraikiz besteek ere ematen dioten maitasunari esker. Hasieran mesfidati agertu arren, irakasleak berak onartuko du ikasleen proposamena, eta, horrela, botanikarien arreta erakarri. Egileak orrialde bakar batzuetan laburtzen du urteak iraunen duen prozesua, eta ume talde ardura da arbola ongi zaindu eta babestu nahi izatearen sinboloa. Baina, haratago doa, proposamena beste eskola batzuetara iritsiko baita: haziak bidaia bat eginen du, eta, harekin batera, ingurumena eta planeta zaintzeko kontzientzia soziala. Eskola bateko patioaren eremu murritzean gertatuta ere, Emilio Urberuagak -2011ko Irudigintzaren Sari Nazionala jasotakoa- zenbait ikuspuntutan jarrarazten ditu irakurleak, eta denbora iraganarazten du pertsonaien joan-etorrien bidez, aldaketa meteorologikoen bideez,, arbolaren garapenaren bidez. Nabarmenak dira irudietan koloreak, eszena bakoitzaren adierazgarritasuna eta testutik kanpoko osagaiak ere, ikusizko irakurketa aberasten baitute. «Liburu honetako arbola ikur bat da, agerian uzten baitu hezkuntza proiektu berri eta integratzaile bat benetan zaindu eta landuz gero hazi eta handitzen dela, beste eskola batzuetara ere iristen dela». (Antonio Sandoval)
Adina: 05-09
Adin-oharrak: 6 urtetik gorakoa
Urtea: 2016
ISBN: 978-84-7681-954-8
Prezioa: 13 €






Partekatu zure ezagunekin :
#019130;
Copyright © 2014. EUSKARAGIDA.EUS
Plantilla: Johny Template - Garapena: Ttipi-Ttapa