Hodeietan

https://www.elhuyar.eus/media/shop/image/4d/5e/4d5e164307246a519f01f4af85e8b4ab5246d44f.jpgIzena: Hodeietan
Egilea: Aitzol Lasa Oyarbide
Argitaletxea: Elhuyar Fundazioa
Azalpena:
2011ko sarietan Gazteei zuzendutako zientzia-narrazioak kategorian saria jasotako proiektuaren emaitza da eskuartean duzun lan hau. Kategoria honetako lanak gazteei zuzendutako narrazioak dira, euskaraz sortuak. Lan horietan, zientzia- eta teknologia-gaiek presentzia izan behar dute, ezinbestean, zeharka bada ere. Zientzia-narrazioen bitartez gazteak zientzia eta teknologiara modu atsegin eta erakargarrian hurbiltzea da sariketaren helburua.
Hodei Batxilergoko azken ikasturteko ikaslea da. Hodei gizajoa hodeietan dago beti. Despistatu hutsa da. Horretaz gainera, zientzietan ez da batere iaioa. Letretako Batxilergoa hautatu zuen, zientziak, eta batez ere matematika, ez dituelako ikusi ere egin nahi. Goiz batean, ezusteko enkontru bat izango du, norekin eta Estibalizekin. Hodeik nerabezaro guztian gustuko izan duen neska da Estibaliz. Eta aukera izango du Estibalizengana hurbildu eta harekin hitz egiteko. Une horretan, zirt edo zart egin beharko du.
Bi zailtasuni egin beharko die aurre Hodeik. Lehenengo eta behin, Estibaliz bera baino nagusiagoa da. Hori gutxi ez, eta, gainera, Estibaliz zientzialari iaioa da. Estibalizekin harremanetan hastearekin batera, Hodeik utzi egingo dio hain despistatua izateari…

Adina: 10-12, 12-16
Urtea: 2012
PAPEREKO EDIZIOA
ISBN: 978-84-92457-80-9
Prezioa: 14
EDIZIO DIGITALA
ISBN: 978-84-92457-80-9
Prezioa: 4


Partekatu zure ezagunekin :
#019130;
Copyright © 2014. EUSKARAGIDA.EUS
Plantilla: Johny Template - Garapena: Ttipi-Ttapa